कोहलपुर-नेपालगन्ज सडकखण्डअन्तर्गत गनापुरस्थित नमस्ते रिसोर्टअगाडि भएको सडक दुर्घटनामा दुईजनाको ज्यान गएको छ। दाङबाट नेपालगन्ज आउँदै गरेको भे.१ख २१२८ नम्बरको यात्रुवाहक बस दुर्घटना हुँदा दुईजनाको ज्यान गएको हो ।
दुर्घटनामा २१ जना घाइते भएको र उनीहरूको नेपालगन्ज मेडिकल कलेज र भेरी अस्पतालमा उपचारका लागि लगिएको प्रहरीले जनाएको छ ।
बाटो पार गरिरहेको मोटरसाइकललाई जोगाउने क्रममा पैदल हिँडिरहेकालाई किचेको बाँके प्रहरीले जनाएको छ। दुर्घटनामा तुलसीपुर उपमहानगरपालिका– ७ पर्सेनीका ६० वर्षीय मानबहादुर वली र तुलसीपुर– ६ बेलवाका २४ वर्षीय सन्तोष भुसालको ज्यान गएको प्रहरीले जनाएको छ। भुसाल बसका कन्डक्टर रहेको परिवारलाई उदृढ गर्दै प्रहरीले जनाएको छ।
