तीजको अवसरमा निरन्तर ‘बिच्च बिच्चमा’ गीतको ल्याउने गरेका गायक तथा सङ्गीतकार दुर्गेश थापाको ‘बिच्च बिच्चमा ७’ सार्वजनिक भएको छ । ‘बिच्च बिच्चमा’ श्रृखलाको अन्तिम सिरिजको रूपमा उनले ‘ बिच्च बिच्चमा ७’ ल्याएका हुन् । जनचेतनामूलक र सन्देशमूलक भनिएको उक्त गीतको शब्द तथा भिडियोले नारीप्रतिको सम्मान बोल्छ । दुर्गेशकै निर्देशन रहेको भिडियोमा एक बिधुवा नारीलाई नृत्यमा प्रस्तुत गर्दै नारीको सांस्कृतिक स्वतन्त्रताको हिमाइतीको रूपमा आफूलाई उभ्याएका छन् ।
